Amaphoyisa aqhuba umsebenzi i-Operation Buyisa njengoba egasele enkampanini yonogada iCalvin and Family Security eDurban North namuhla.
Lolu hlelo kuhloswe ngalo ukulwa nezibhamu ezingekho emthethweni nokuqinisekisa ukuthotshelwa kwemithetho kubadayisi bezibhamu nezinkampani zonogada.
OLUNYE UDABA:Angase abhekane nomthetho usomabhizinisi waseThekwini ngakusho ngoMkhwanazi
Lokhu kuza ngemuva kwenselelo yezomthetho engaphumelelanga evela kumnikazi uCalvin Mathibeli, owaya enkantolo ukuyomisa inqubo ngemuva kokwaziswa ngamaphoyisa ngomhlaka-11 March.
Inkantolo iphinde yamyalela ukuthi akhokhe izindleko.
Ngesonto eledlule, amaphoyisa agasele endaweni yakhe ngelinye icala eliyamaniswa nokukhwabaniswa kwethenda.
eNCA
