Bayavela namuhla eNkantolo yeMantshi yaseSikhaleni namuhla abasolwa ababili ababanjwe behlela ukugebenga behlomile ogwini olusenyakatho KwaZulu-Natal.
Amaphoyisa ase-KZN angaphansi kwe-Operation Vala Umgodi angcinzwe indlebe mayelana nezinhlelo zabasolwa ngoMsombuluko base belusukumela udaba.
Okhulumela amaphoyisa esifundazweni uPaul Magwaza uthe amaphoyisa aphinde alunywe indlebe mayelana nokuthi abasolwa bese bevele bedune imoto.
OLUNYE UDABA: Igixabezwe ngodilikajele indoda eyadlwengula intombazane, 6
“Amaphoyisa aphuthume abopha umsolwa oneminyaka engu-27 ubudala endaweni yaseSikhaleni otholwe nesibhamu esingekho emthethweni nezinhlamvu.
“Ngosuku olulandelayo amalungu eVala uMgodi abuyela eSikhaleni abopha umsolwa wesibili, 33, naye owatholwa nesibhamu esingekho emthethweni nezinhlamvu. Imoto ebiduniwe itholwe ngabenkampani yakwaTracker endaweni yamaphoyisa KwaDukuza.”
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
