Iqembu leMamelodi Sundowns lihlulekile ukushaya iqembu leBorossia Dortmund kumdlalo wesibili wamaqoqo kumqhudelwano weFifa Club world cup.
Amasandawana ashaywe ngamagoli amane kwamathathu, kulo mdlalo obonakale uqala ukuthi kuzoba nenqwaba yamagoli.
Umdlalo ubesezingeni eliphezulu nakuba iSundowns iqale yenza amaphutha angenasidingo kusanda kuqala umdlalo.
Nakuba kunjalo ngesiwombe sesibili amasandawana abuye ngomfutho nalapho begcine bekwazile ukushaya amagoli amabili.
OLUNYE UDABA: OweSundowns uthi umdlalo wanamuhla ubukeka kuzoba wonzima
Ukushaywa kweDowns kulo mdlalo kuchaza ukuthi emidlalweni wabo wokugcina kuzofanele beshaye iFluminense ukuze bekwazi ukuzibekisela indawo esigabeni esilandelayo sakulo mqhudelwano.
Njengamanje iBorrussia Dortmund iyona eqwakele kwiqoqo.
Abalandeli bebhola bancoma indlela iMamelodi Sundowns edlale ngayo kulo mdlalo kanti neqembu leBorossia Dortmund ekhasini labo babhalile ukuthi bayalihlonipha leli qembu, bencoma indlela elidlala ngayo.
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
