Iqembu le-Orlando Pirates lilokhu liqhubeke njalo nokumemezela abadlali bayo abasha.
Osukwini lwanamuhla ezimnyama zimemezele ngokusemthethweni u-Oswin Appolis njengomdlali wabo omusha.
Lo mdlali obegijima kwiqembu le Polokwane City ubemataniswa neqembu le Kaizer Chiefs, kakhulukazi ngesizini eyedlule kodwa izinto zagcina zingahlangananga kwiChiefs ukuthola lomdlali.
OLUNYE UDABA: I-Orlando Pirates isiqinisekise abadlali bayo abangu-7 abasha
UNabi ocija iChiefs uke wakuveza ukuba nothando lokuba nalo mdlali eqenjini lakhe kule sizini njengoba bezikhona izingxoxo eziqhubekayo kodwa kubonakala zibhuntshile njengoba lo mdlali esethulwe kweZimnyama.
Lo mdlali uzakhele igama ngesikhathi eshaya amagoli amabili eqenjini lesizwe iBafana Bafana idlala neSouth Sudan kumqhudelwano we-Afcon kanti kubhekwe nokuthi alekelele ezimnyama kule sizini.
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
