UNgqongqoshe Wezolimo uJohn Steenhuisen umemezele umkhankaso wokugonywa kwezinkomo ngo-2026, ngezinga eliphezulu nangokushesha.
UNgqongqoshe wenze lesi simemezelo engqungqutheleni yobuholi kanye nokubambisana kwe-African Farmers Association of South Africa ePitoli ngoLwesithathu.
OLUNYE UDABA: Kusaqhubeka ukubhebhetheka kwesifo samatele eKZN
USteenhuisen uthi kuzokhishwa izigidi zemithamo kusukela ekuqaleni konyaka ozayo kanti kuzoqalwa ezifundazweni ezithinteke kakhulu.
“UMnyango Wezolimo wenze ushintsho lwenqubomgomo, nokuthi sizohamba siyogoma wonke umhlambi kazwelonke eNingizimu Afrika. Lokhu kuzobaluleka uma sifuna ukubhekana nalesi sifo.”
