Kubhekwe ukuthi linyuke izinga lomjaho oba minyaka yonke wokubungaza abantu besilisa nokubakhuthaza ukuthi bezivocavoce ngasosonke isikhathi ukuze behlezi bephilile nemzimba yabo ihlezi iphilile.
Sekubalwa izinsuku ngaphambi kokukuthi lomjaho obizwa nge-SA Men’s Run ufike.
Lo mjaho uzoba ngeSonto lwangomhlaka-6 July 2025 kusukela ngo-07h00 eKingspark Athletics Stadium eThekwini, KwaZulu Natal.
Kuzobe kugijinwa ibanga lika-10km kanye no-5km kanti abantu balokhu betheleke njalo bebhalisela ukuba yingxenye yalomjaho ohlelwe uBig Mike.
OLUNYE UDABA: Linyukile izinga lomjaho waseNdwedwe
UBig Mike ongumngqugquzeli walo mjaho uthi lomjaho uzolekelela kakhulukazi abantu besilisa ukubavikela nabo ezigamekweni ezibehlelayo njengoba nabo behlukumezeka ngezindlela ezahlukene
“Ngakho nabo kuyadingeka ukuthi kuliwe nokuhlukumezeka kwabo.”
UMike ugqugquzela abantu ukuthi bebhalisele ukungenela lo mqhudelwano kusanesikhathi.
Abasubathi abafisa ukuba yingxenye yalo mqudelwano bengabhalisa ezinkundleni zokuxhumana kanti ngeminye imininingwano bengavakashela ku-www.eventtiming.info.
Ukugijima ibanga lika-10km kubhaliswa ngo-R180 kanti ku5km khona kubhaliswa ngo-R100.
Kubikwa ukuthi nabasubathi besifazane bavumelekile ukujoyina lo mjaho ohloswe ngawo ukuhlonipha amadoda.
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
