Iqembu leNkatha Freedom Party (IFP) ePhoenix, enyakatho yeTheku, lithi kumele asule ngokushesha uMusa Mbhele oyiMenenja kaMasipala weTheku kanye nenhloko yophiko lwezamanzi u-Ednick Msweli.
Ikhansela le-IFP uDkt. Jonathan Annipen usola uMbhele, uMswele kanye nezinye izikhulu eziphezulu zedolobha ngokungakunaki ukuhlinzekwa kwezidingongqangi zamanzi kubahlali basePhoenix namaphethelo enyakatho yeTheku.
OLUNYE UDABA: Kumiswe emsebenzini abasebenzi bakamasipala ngezinsolo zokudayisa amanzi eKZN
UDkt. Annipen uthi izakhamuzi namabhizinisi akuWadi-48 ePhoenix basale bengenamanzi cishe amasonto amabili.
Uthi naphezu kwenqwaba yezicelo zabo zokuthi bangenelele ngokushesha, ukukhala kwabo kufana nokuthela amanzi emhlane wedada ngoba akuzwakali.
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
