I-EFF iqinisekise ukuthi abashone engozini yebhasi eVryheid bangabalandeli beqembu

Okhulumela i-Economic Freedom Fighters (EFF) uSinawo Thambo ukuqinisekisile ukuthi ibhasi elibandakanyeke engozini eyenzeke emgwaqeni u-R34 belithwele abalandeli beqembu libabuyisela eVryheid ngemuva komhlangano woSuku lweNtsha eThekwini.

Kushone abantu abangu-12 kwalimala abanye abangu-32, kanti abangu-12 babo basesimeni esibucayi.

OLUNYE UDABA: Kushone abangu-12 engozini yebhasi ngaseVryheid

Iziphathimandla zithi kusolakala ukuthi iloli ebeliqhamuka kwelinye icala lomgwaqo lishayisa ibhasi eceleni kwalo, layidabula phakathi kwamabili.

UThambo uthi i-EFF izosiza imindeni ukuhlonza abathandiweyo babo.

I-EEF ikhiphe isitatimende mayelana ngengozi eyenzeke eVryheid yadlulisa namazwi enduduzo emndenini elahlekelwe kule ngozi.

The EFF’s Statement on the Tragic Bus Accident After Youth Day Rally in Umlazi

-The EFF sends it deepest condolences to the families and loved ones of all those who have lost their lives. These Fighters lost their lives following a show of support for the revolution they… pic.twitter.com/nomjtRQoJx
— Economic Freedom Fighters (@EFFSouthAfrica) June 17, 2025