Inkampani i-Nestlé isimemezele ukubuyiselwa emuva kobisi lwezingane i-NAN Special Pro baby esemashalofoni asezitolo zaseNingizimu Afrika.
Ithe ukuhoxiswa kwalo mkhiqizo eNingizimu Afrika kuyisinyathelo sokuqapha njengengxenye yenqubo yekhwalithi nokuphepha yenkampani, yaphinde yathi azikho izifo eziqinisekisiwe eidalwe wubisi kuze kube yimanje.
Ayikho eminye imikhiqizo ye-Nestlé noma ezinye izinhlobo zomkhiqizo ofanayo ezithintekile.
OLUNYE UDABA: Abakwa-VW nabakwaMercedes-Benz bacela kubuyiselwe emuva izimoto ‘ezinenkinga’
Umkhiqizo weNestlé obuyiselwa emuva ngowe-“NAN Special Pro HA 0-12 6 X800g”, owakhiqizwa ngomhlaka-15 June 2025 onosuku lwangomhlaka-15 December 2026 lokuphelelwa yisikhathi.
Lo mkhiqizo une-Batch Number-51660742F3.
Okhulumela abakwaNestle uConny Sethaelo uthe, “ukuphepha kokudla kungenye yezinto ezisemqoka enkampanini.”
Abathengi bangaxhumana bangashayela ku- +27860096116.
