Sekuze omunye umshayeli we-e-hailing ngaphambili emnyangweni wezokuthutha ezobika ngezinsolo zeqembu elifanayo nalelo eliboshelwe ukuhlasela umshayeli we-e-hailing nabagibeli endaweni yaKwaNdengezi.
Kukhuthazwe ukuba lo smhayeli avule icala esiteshini samaphoyiseni aKwaNdengezi esebenzisa inombolo ye-refence CAS 12/06/2026.
Ngaphezu kwalokho kuzwakale imininingwane eshaqisayo evela kumalungu omphakathi ezisola onogada abathathu, omunye wabo waphuma ngoshwele kanti omunye naye usanda kuqeda wona. Lokhu kuveza ngokucacile ukuthi kuzobe kuwukwephula umthetho wokudedelwa ngoshwele nokungaholela ekutheni ukhanselwe.
OLUNYE UDABA: Basenkantolo abasolwa ngokuhlasela umshayeli we-e-hailing Kwandengezi
Onogada abathathu abasesitokisini njengamanje kulindeleke ukuba babuyele enkantolo yemantshi yasePinetown ngoLwesihlanu lwangomhlaka-12 June 2026.
Kubongwa umphathi omkhulu wamaphoyisa esiteshi samaphoyisa aKwaNdengezi uColonel Mzwandile Dlamini no-Zibuse Ngcamu, usihlalo wenhlamngano yamatekisi i-KwaNdengezi/Zwelibomvu Taxi Association, ngokusebenzisana nomnyango ukuvikela abagibeli nokuqinisekisa uzinzo emkhakheni wezokuthutha umphakathi KwaNdengezi.
Owezokuthutha uthi uyaseseka nesinqumo sabaholi be-KwaNdengezi Taxi Association sokuba nomhlangano nomphakathi njengengxenye yokwakha uxolo nozinzo lwesikhathi eside endaweni. Ithimba lethu lakwa-Public Regulatory Entity yilo elizohambela umhlangano ukuqiniseka ukuthi wonke umuntu usekhasini elilodwa.
