INkantolo ePhakeme yaseGauteng ithole uphoshozwayo wezindaba zosaziwayo uMusawenkosi “Musa” Khawula eyidelela ngamabomu inkantolo kulandela ukuhluleka kwakhe ukuxolisa esidlangalaleni kuJulius Malema nomkakhe uMantoa.
UKhawula wathi unkosikazi kaMalema usekhathele ukungathembeki kukaMalema, usekhethe ukuwushiya umshado wabo omdalela ukhwantalala.
OLUNYE UDABA: UJulius Malema unikezwe imvume yokudlulisa isigwebo ecaleni lesibhamu
UKhawula ugwetshwe izinsuku ezingu-30 ejele, walengiselwa izinsuku ezingu-30 ngombandela wokuthi uyawulandela lo myalo.
Uma ehluleka ukuwuthobela, isigwebo sizoqala ukusebenza ngokushesha.
