UMengameli we-EFF uJulius Malema uphumelele kancane esikhalweni sakhe ngemuva kokugwetshwa iminyaka emihlanu ejele kulandela icala lakhe lesibhamu.
Isinqumo sikhishwe namuhla, 16 April 2026, yiMantshi uTwanet Olivier eNkantolo yesiFunda sase-East London eKuGompo City, e-Eastern Cape.
UMalema ubebhekene namacala amahlanu kanti ukwetshwe kanje:
1. Ukutholakala nesibhamu – Iminyaka emihlanu ejele
2. Ukutholakala nezinhlamvu zesibhamu ngokungemthetho – iminyaka emibili ejele
3. Ukuqhumisa isibhamu esidlangalaleni – Inhlawulo ka-R20 000 noma izinyanga eziyisithupha ejele
4. Ubudedengu bokubeka abantu noma impahla engozini – Inhlawulo ka-R20 000 noma izinyanga eziyisithupha ejele
5. Ukuhluleka ukuthatha izinyathelo zokuphepha ezifanele ukuze ugweme ingozi – Inhlawulo ka-R20 000 noma izinyanga eziyisithupha ejele
Zonke izigwebo zizodonswa kanye kanye.
OLUNYE UDABA: Kuncume i-AfriForum uMalema elahlwa yicala
Kuphinde kwamenyezelwa ukuthi akafanele ukuba nesibhamu.
UMalema wafaka isicelo sokudlulisa icala ngokushesha ngokumelene nokugwetshwa kwakhe kanye nesigwebo sakhe.
UMalema uzohlala ngaphandle ngesexwayiso kuze kube yilapho inqubo yokudlulisa icala iyaphela.
UMalema usazoqhubeka nokuba yilungu lePhalamende
I stand unequivocally with my #EFF President and Commander in Chief, #JuliusMalema.
— Carl Niehaus (@niehaus_carl) April 16, 2026
This ridiculous and outrageous sentence that the racist white Afrikaner (Boer) woman magistrate imposed on my CIC is a travesty of justice, persecution, and only and totally politically… pic.twitter.com/kqhMg35qQF
