Umholi weNational Coloured Congress uFadiel Adams uzovela eNkantolo yeMantshi yasePinetown kulandela ukuboshwa kwakhe eKapa kuleli sonto.
UFadiel Adams uzovela eNkantolo yeMantshi yasePinetown namuhla.
Umholi weNational Coloured Congress ufike eThekwini ngoLwesithathu ebusuku ngemuva kokuboshwa kwakhe eKapa ngoLwesibili.
U-Adams ubhekene namacala ahlobene nophenyo lokubulala uSindiso Magaqa, owayeyilungu le-ANC Youth League ngo-2017.
OLUNYE UDABA: Kulindeleke ukuba avele ngoLwesine enkantolo
Usolwa ngokuphazamisa uphenyo lokubulawa kukaSindiso Magaqa.
U-Adams ubhekene namacala okukhwabanisa nokuphazamisa ubulungiswa.
Okhulumela amaphoyisa kazwelonke u-Athlenda Mathe uthi iziphathimandla zinqume ukuhambisa u-Adams ngemoto esuka eWestern Cape ngemuva kokubala izinkinga ezingasezibe khona kanjalo nezindleko zokumhambisa ngendiza.
“Ngisho nakuleyo nqubo, senze isiqiniseko sokuthi uphunyuzwa njalo,” kusho uMathe etshela izintatheli eWestville ngoLwesithathu ebusuku.
