IKhomishiana kaMadlanga isiphinde yalibaziseka ngemuva kokuba ufakazi obekulindeleke ukuba ethule ubufakazi bakhe engaphumelela ngenxa yokuhlaselwa ukugula.
UBrown Mogotsi ubehlelelwe ukuvela ngoMsombuluko ekuseni, kodwa ngomzuzu wokugcina, wazisa ikhomishana ukuthi uyagula.
Okhulumela ikhomishana uJeremy Michaels utshele abezindaba ngoMsombuluko ekuseni ukuthi bazodinga incwadi egunyaza ukuboshwa kwakhe uma kudingeka njengoba kungekho ncwadi kadokotela esikhishiwe.
OLUNYE UDABA: UShadrack Sibiya uzoqala namuhla ukwethula ubufakazi bakhe kwiKhomishana kaMadlanga
UMichaels uxwayise ngokuthi odokotela nabo bangabhekana nenkinga uma kutholakala ukuthi bakhipha incwadi engesilo iqiniso.
“Ngeke sibekezelele isimo lapho ofakazi benquma ngamabomu ukuthi bayagula ekuseni ngosuku lokulalelwa kwecala,” kusho uMichaels.
IKhomishana igcine ihlehliselwe uLwesithathu, lapho kulindeleke khona ukuthi ilalele ubufakazi obuvela kunhloko yobugebengu obuhleliwe, uRichard Shibiri.
