I-National Professional Teachers’ Organisation (NAPTOSA) ithi indlela amaphepha ezivivinyo onyaka ka-2025 ayisikhombisa aputshuka ngayo iphakamisa ukukhathazeka ngezinga lokuphepha eMnyangweni Wezemfundo Eyisisekelo (DBE).
Lokhu kua ngemuva kokuba umnyango udalule ukuthi uphenyo lubonisa ukuthi amaphepha emibuzo kwabelwana ngawo nge-USB device.
OLUNYE UDABA: ISADTU eKZN inethemba lokuthi izivivinyo zikaMatric zizoqhubeka ngaphandle kokuphazamiseka
Lokhu kusabalala kwamaphepha kwenzeke ezikoleni eziyisikhombisa endaweni engadalulwanga ePitoli.
Umnyango usumise abasebenzi bawo ababili abasolwa ngokuputshuza amaphepha.
UBasil Manuel onguMqondisi Omkhulu we-NAPTOSA uthi, “Ingabe ukufinyelela kulula kangangokuthi umuntu angakwazi ukuthatha i-USB aye endaweni egadiwe afake amaphepha kuyo, kukhona okungahambi kahle.
“Ngakho-ke ithi kwakukhona izinga lokuthembana okungenzeka ukuthi akufanele libe khona.
Mhlawumbe kufanele kuqiniswe izinga lezokuphepha ukuze noma ngabe siyafuna ukubathemba abantu, kodwa-ke ake sibheke ukuthi akukho yini olungahamba kabi.
“Okunye khumbula, akuwona wodwa amaphepha aputshuka kodwa kwaputshuka nama-memorandum okumaka. Lokho-ke kwenza kube nzima kakhulu ngoba ngokwazi kwami lezi zinto zombili azihlali ndawonye.”
