Usomabhizinisi waseNorth West uBrown Mogotsi usinde bezama ukumbulala.
IKhomishana kaMadlanga iqinisekise imibiko yezinsolo zokuzama ukubulala kulandela ukuhlaselwa kukasomabhizinisi uBrown Mogotsi eVosloorus, empumalanga yeGoli.
Kukholakala ukuthi abantu abebephethe izibhamu bavulele ngenhlamvu bebhekise emotweni yakhe.
Igama likaMogotsi selivele kakhulu kwiKhomishana kaMadlanga kanye nophenyo lwePhalamende oluphuthumayo ekuphenyweni kwenkohlakalo esolwayo ngaphakathi kohlelo lobulungiswa bobugebengu.
OLUNYE UDABA: IKhomishana kaMadlanga izolalela ufakazi obalulekile ngaphandle kwamakhamera ngenhloso yokumvikela
Okhulumela ikhomishini, uJeremy Michaels, utshele abezindaba ze-SABC ukuthi bakhathazekile ngokuphepha kukaMogotsi.
“Futhi mhlawumbe kufanele ngengeze ngokuthi besixhumana njengekhomishini noMogotsi mayelana nokuphepha kwakhe. Vele, kuncike kufakazi ngamunye ukwamukela ukuvikelwa kofakazi.”
Ekhuluma nezintatheli esiteshini samaphoyisa sendawo ngoMsombuluko ekuseni, okhulumela amaphoyisa kazwelonke u-Athlenda Mathe uthe amaphoyisa aphenya icala lokuzama ukubulala.
Uthe bakhuthaze uMogotsi ukuthi avule icala.
