Ukuqulwa kwecala likaSenzo Meyiwa eliholwa nguMmeli uGeorge Baloyi kuqhubekile ngoMsombuluko eNkantolo eNkulu ePitoli, uMuzi Sibiya ube ngumsolwa wokuqala ukuphoswa ngemibuzo.
Ngesikhathi kuqhubeka ukuqulwa kwecala, uSibiya utshele inkantolo ukuthi washawa waphinde waboshwa ngamaphoyisa, uJenene Shadrack Sibiya oyiSekela leKhomishana lamaPhoyisa wayekhona eChloorkop.
Usho lokhu ngesikhathi uBaloyi ebuza ngezimo zokuboshwa kukaSibiya.
USibiya utshele inkantolo ukuthi washawa abantu abahlukene eChloorkop.
OLUNYE UDABA:Masemola: Kunabantu thizeni abahlezi ekhoneni elincane abahlela ukungixosha
“Ngemuva kokuba ngihlangene noZungu, Makhoba, Leshabane kanye noSibiya. Ukuthi zikhona yini izinsolo zokuthi ngisenga ezimithiyo ngokweneka nokuthi ngibazi kanjani nokuthi ngibazelaphi laba bantu? Engithi kwenzeka, kwenzeka,” kusho uSibiya
Noma kunjalo ummeli wakhe, u-Advocate Charles Mnisi, usukume wacela umbuso ukuba umcacisele ngalokhu okushiwo nguSibiya kanye nokuthi iyiphi indima abeyidlala.
USibiya utshele inkantolo ukuthi ubebhekise kuShadrack Sibiya, osolwa nguKhomishana wamaPhoyisa aKwaZulu-Natal uNhlanhla Mkhwanazi ngokugxambukela emsebenzini weThimba eliphenya ngoKubulawa kosoPolitiki, eliphenya izindaba zokubulawa kosopolitiki.
UBaloyi ubuze ukuthi ngabe uSibiya waseshwa yini ngesikhathi eboshwa.
Uphendule wathi “Cha, bangidushela phansi base bayangibopha,”
Uqhubeke wabuza ukuthi kungani eboshelwe ukudayisa izidakamizwa uma engaseshwanga ngaphambi kokuthi aboshwe.
