IHhovisi likaMengameli lizichithile izinsolo zokuthi uMengameli Cyril Ramaphosa wayevakashele emzini kasomabhizinisi osolwa ngenkohlakalo uHangwani Maumela.
Ivideo ezungeza ezinkundleni zokuxhumana ikhombisa uMengameli engaphandle komuzi kaMaumela eSandton.
UMaumela uyingxenye enkulu yenkohlakalo yaseSibhedlela saseTembisa. Imali engaphezu kuka-R2-billion kuthiwa intshontshwe ngezinkontileka ezingekho emthethweni.
OLUNYE UDABA: Kushaqwe impahla yezigidi, i-SIU igasele emzini kaHangwani Maumela eSandton
Le-video ivele ngemuva nje kokuba i-Asset Forfeiture Unit igasele emzini kaMaumela, yashaqa izimoto zohlobo lwama-Lamborghini, imidwebo nezinye izinto ezibiza imali eshisiwe.
Nakuba kunjalo, okhulumela iHhovisi likaMengameli uVincent Magwenya ukucacisile ukuthi umengameli ubezihambela nje, wayengeve evakashele uMaumela.
