Umsunguli weNtenga foundation uSiyabonga Ntenga uthi konke sekumi ngomumo ngomjaho oba minyaka owaziwa ngeNtenga foundation race.
Kulo mjaho kusuke kugijima khona abasubathi abahlukahlukene abaqhamuka ezindaweni ezahlukahlukene esifundazweni sakwa-zulu-Natal.
Lo mjaho uzosuka eMoses Mabhida Stadium uze uphethe ePhoyinti, kulomjaho kuzoba khona ibanga lika 10km Kanye no 5km.
OLUNYE UDABA: Ukuvalwa kwemigwaqo ngosuku lweDurban SPAR Women’s Challenge
Abasubathi abazoba yingxenye yalo mjaho bazoqala osukwini lwangeSonto ngomhlaka-21 September 2025 ukuzothatha izimpahla zabo zokugijima kanti kuzovalwa ngomhlaka-23 September 2025 ngoLwesibili.
Ngokusho kukaNtenga uthi bazobe bebalelwa ku-5000 abasubathi abazoba yingxenye yalo mjaho kanti adayiswe aphela amathikithi alo mqhudelwano.
Umqhudelwano weNtanga Foundation uzobanjwa ngeholidi langomhlaka-24 September 2025 ngoLwesithathu.
