Umcimbi IPhinifa on Fleek ozobanjelwa e-ICC eThekwini ngomhlaka-30 August 2025 izolo ngoLwesithathu, umemezele uhlu lwabaculi abazonandisa ngalolu suku.
Kulo nyaka kulindeleke ukuthi lo mcimbi uhehe abantu abaningi ngenxa yesigqi sawo nokukhula kwawo kanti kumenywa bonke abantu kusukela kumatshitshi kuya kubashadikazi nabayeni babo kanjalo nosomabhizinisi abancane.
Lo mcimbi ngokujwayelekile ububanjelwa ezindaweni zokudlela phecelezi ama-restaurants kanti-ke kulo nyaka kuningi okuzobe kwenzeka ngalolu suku njengoba kuzobe kunombukiso wamaphinifa ahlukene amanye ethengisa, kube nomncintiswano wabasiki bamaphinifa, kukhuthazwe kuphinde kwelulekwe abantu besifazane, kube nomncintiswano nokunye okuningi.
OLUNYE UDABA: Uhlu lwabo bonke abawine kuma-12th Simon Mabhunu Sabela KZN Film & Television Awards
IPhinifa On Fleek izolo yethule abaculi abangu-21 abazonandisa ngalolu suku, okubalwa kubo uMawhoo, uDJ Sox, Amaqwabe Twins, uDladla Mshunqisi nabanye abaningi.
Amathikithi alo mcimbi aseqalile ukuthengisa kanti atholakala eTicket Pro, ngamanani ahlukene – amathikithi aqala ukutholakala ngo-R200, R350, R500(General) bese kuba ngelika-R800 (VIP) nelika-R1500(VVIP).
Uhlu lwabaculi abazobe nenandisa sebebonke:
- Mawhoo
- DJ Siyanda
- DJ Sox
- Amaqwabe Twins
- Dladla Mshunqisi
- Jumbo
- Gandaganda
- Ntencane
- Zamambo mkhize
- Limit Nala
- Mjolisi
- DJ Cindo
- DJ Happy Gal
- Anita M
- Nontokozo Mkhize
- DJ Sjerere
- Berry & Shankur DJ (abashana base-Afro)
- Nomakhosini
- Zion Legacy
- Christ Worshipers
- Mthandeni Manqele
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
Slandele ku-Facebook no-X (owayekade engu-Twitter)
