UNobhala-jikelele we-African National Congress (ANC), uFikile Mbalula, uthe okwamanje bajabule ngokusingathwa kwezinsolo zikaKhomishana wamaPhoyisa KwaZulu-Natal, uNhlanhla Mkwanazi.
UMbalula ubekhuluma nabezindaba ngesikhathi bekunomhlangano we-NEC ANC e-Ormonde izolo, eNingizimu neGoli.
OLUNYE UDABA: Kuqhubeka imashi yokweseka uMkhwanazi eThekwini namuhla
Ngenyanga ephelile kwisithangamini sabezindaba, uMkwanazi wasola ezinye izikhulu eziphezulu zakwa-SAPS okuhlanganisa nosopolitiki, abashushisi namalungu ezinkantolo, ngokuthi zisebenzisana nezigelekeqe. Lokhu sekwenze uMengameli Cyril Ramaphosa ukuba abeke uSenzo Mchunu elivini eliyisipesheli wabe esebeka uFiroz Cachalia njengoNgqongqoshe wamaPhoyisa osabambile.
“Sezicutshunguliwe izinsolo zikaLieutenant-General Mkwanazi kanti ekuhlaziyeni kwezombusazwe kanjalo nasezingxoxweni ezenziwayo osukwini, amaqabane angaphefumula ngokuthi yini okumele yenzeke. Nakhu esikugunyazile futhi osekwenzekayo njemanje, sinoNgqongqoshe omusha wamaPhoyisa, uCachalia. Okwesibili, sigunyaze ukuthi kube nekhomishini yophenyo ezoba nemibono emisha ezoba khona. Uma amaqabane efuna ukuqhamuka nemibono emisha ne-NEC akhululekile ukwenza lokho. Yize kunjalo, i-NWC isivele yavumelana nezinyathelo ezithathwe uhulumeni ukuphendula uJenene Mkhwanazi,” kusho uMbalula.
ANC secretary-general Fikile Mbalula says the party's integrity commission will not be presenting matters relating to #ANCNEC member #SenzoMchunu's alleged misconduct during today's NEC meeting.
— CapricornFM News (@CapricornFMNews) August 1, 2025
The ANC is hosting a 4-day National Executive Committee meeting in Johannesburg… pic.twitter.com/J3Ta0JKZ1p
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
