Bekudlisa ingqephu koweDundee July yalonyaka ebingoMgqibelo, ihlanganisa nomjaho wamahashi obugubha unyaka ka-20 wasungulwa. Lo mjaho othathe istayela se Hollywordbets Durban July, Uhlanganisa amahhashi nenqephu njengoba wenza lo waseThekwini.
Abantu bebephume ngobuningi, badela amakhaza abeshubisa umnkantsha nemvula ecishe yawona lomcimbi. Umjaho wamahhashi ubuyimilenze ewu-12, kuhlanganiswe emibili yabesifazane okuwu under-12 nabangaphezulu kweminyaka ewu-12.
Ingqwele yabesilisa emijahweni omkhulu kube nguZakhele Mkhabela, ogoduke nesamba sika-R400 000 kwathi uMelusi Gumede wanqoba emtelebhelweni we-Africa, Wahlabana ngo-R300 00
Kwabasifazane kunqobe uSamkelisiwe Ngcobo kwathi uSa Mbokazi, wanqoba ku under-12.
Inqqephu ibihlukaniswe izinqephu ezintathu. Bekukhona no mkhakha weBest Creative othathwe nguSamkelo MaKhubalo oneminyaka ewu -21, wase Mgungundlovu.
OLUNYE UDABA: Marvels of Mzansi: Ingqephu ibihamba phambili koweHollywoodbets Durban July 2025
USamkelo ungomunye obephethe inqephu ekushiya udidekile ngendlela eyiyona njengoba isiqubulo salomcimbi sithi“Africa Jewel.”
“Ngijabule kakhulu ngokunqoba kwami emkhakheni we Best Creative. Ukuthunga into engikhule ngiyithanda.Ngesikhathi ngifunda uGrade7, umama wangithengela umshini wokuthunga. Ngijabule ngokudla umhlanganiso.
“Ngithanda ukubonga kakhulu eNyangweni weZemidlalo ngokuhlela lomcimb.
Ngiyafisa ungashabalali ngoba thina uyasisaza ukuba siveze amakhono ethu abafihlekile, futh kuzosiza ukuba umsebenzi wethu waziwe,” kusho uSamkelo.
Emkhakheni weBest Male kunqoba uLona Models,Kwathi uDavid Mgobhozi Wadla Umhlanganiso kwi Best female.
Okugqamile nonyaka wukuthi kawubanga khonga umcimbi Kazime ngenxa yokuthi onqobe owanyakenye akakaze awuthole umkomelo wakhe.
Kuze kwashaya isikhahi sokucishilela bangaphumeli obala abadidiyeli balomjaho.
Lo owanqoba kuthiwa ngeke aze abanike iCrown, bazebamnika imali yakhe.
Lo mcimbi ubuhanjelwe ngungqongqoshe wezemidlalo, uMnu Mtonuhle Khawula othe, ujabule ngendlela lomcimbi ohambe kahl ngayo, uthi nyakenye iDundee yenze imali elinganiselwa ku-R96 million. Uthi uyathemba ukuthi umcimbi walonyaka uzokwenza imali engaphezulu kuka-R100 million”Lomjaho udlala indima enkulu ekuthuthukiseni umnotho wase Dunde. Baningi abahlomulayo ngawo,okuhlanganisa umphakathi nosomabhizinisi abancane” kusho uKhawula.
Obhalile: Mzwandile Zondi – ILanga newspaper
