Akasekho emhlabeni owayeyiSekela likaMengameli

OwayeyiSekela likaMengameli uDavid Mabuza ushone ngoLwesine.

UMabuza usebenze njengesekela likamongameli kusukela ngoFebruary 2018 kuya kuFebruary 2023.

UMabuza owake waba yilungu leNational Executive Committee ye-ANC uphinde wasebenza njengoNdunankulu waseMpumalanga phakathi kuka-2009 no-2018, ngalesikhathi sokuphatha kukaMengameli Jacob Zuma owayenguzakwabo kwezombusazwe.

OLUNYE UDABA: Akasekho emhlabeni uPope Francis

UMabuza wazalelwa eMpumalanga kanti unguthisha ngokuqeqeshwa.

Ukuzibandakanya kwakhe kokuqala kwezombusazwe waba kwinhlangano iBlack Consciousness ngesikhathi esangumfundi, kwase kuba ngezinyunyana zothisha.

Ubengusihlalo we-SADTU, engaphansi kwe-CSATU kusukela ngo-1988 kuya ku-1991.

UNobhala Jikelele we-ANC uFikile Mbalula ufake isitatimende enkundleni yezokuxhumana eveza ukuthi uMabuza ubezinikele ekusebenzeleni abantu baseNingizimu Afrika.

Umethule njengeqabane elizinikele neliphethe amagugu obumbano, ukuziphatha kanye noguquko kusukela ezinsukwini zobandlululo.

I-ANC ithe ilahlekelwe umlweli wenkululeko nomholi obesebenza ngokuzithoba nangokuthembeka.

It is with deep sorrow and a heavy heart that we learn of the passing of former Deputy President of the Republic and stalwart of our movement, Comrade David Dabede Mabuza.

Comrade Mabuza dedicated his life to the service of the people of South Africa. From his days in the… pic.twitter.com/BZXbdRD2wB
— ANC SECRETARY GENERAL | Fikile Mbalula (@MbalulaFikile) July 3, 2025