Uzonxeshezelwa ngo-R2.2 million owesifazane owashaywa ngenhlamvu yenjoloba esweni langakwesokudla kwadingeka ukuthi ahlinzwe.
Lokhu kuza ngemuva kokuthi iNkantolo eNkulu yaseNingizimu Afrika oPhikweni lwaseNorth West, eMahikeng, ivume isimangalo somonakaslo sowesifazane owayefuna izindleko zika-R3.5m ekuqaleni.
OLUNYE UDABA: Kushone abantu ‘kudutshulwana namaphoyisa’ eMthatha
Owesifazane washaywa yinhlamvu yenjoloba esweni lakhe langakwesokudla ngomhlaka-11 July 2019, enza imisebenzi yasendlini egcekeni lakubo, ngesikhathi kuqubuka uthuthuva eduze nakubo lapho okwafika khona amaphoyisa.
Owesifazane, owayeneminyaka engu-19 ngesikhathi kwenzeka lesi sigameko futhi ezuza kakhulu ebhizinisini lakhe lokudayisa i-atchar yokuzenzela engena umuzi nomuzi ezidayisela ethola cishe imali engu-R3,600 ngenyanga. Iso lakhe lavele langabe lisasebenza, wahlinzwa, lakhishwa afaka elokufakelwa.
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
