URamaphosa uthi uhulumeni uzophenya ngembangela yezikhukhula eMthatha

UMengameli Cyril Ramaphosa uthi uhulumeni uzobheka imbangela yezikhukhula ezihlasele endaweni yaseDecoligny eMthatha.

Lokhu kuza ngemuva kwezikhukhula okuthiwa zidalwe wukuvulwa kwamasango eMthatha Dam.

UMnyango Wezamanzi Nokuthuthwa Kwendle uzichithile izinsolo ezimayelana namasango omfula.

OLUNYE UDABA: UMengameli uRamaphosa uzovakashela e-E Cape

Abantu abashone ngenxa yezikhukhula kuleli sonto e-Eastern Cape babalelwa ku-79.

UMengameli uvakashele kule ndawo wathi lolu daba luzobhekisiswa.

Ngokusho kweziphathimandla zendawo zilinganiselwa ku-20 izikhungo zezempilo kanye nezikole ezingu-58 okwenzeke kuzo umonakalo esifundazweni sase-Eastern Cape.

SABC

Sithole ezinkundleni zokuxhumana

Landela kwi – WhatsApp Channel yethu Izwi Lomzansi 98.0fm

Slandele ku-Facebook no-X (owayekade engu-Twitter)