Abosizo lokuqala Ikznvip baphuthume esikoleni samabanga aphezulu esisendaweni yasePhoenix, KwaZulu-Natal, namuhla kulandela isigameko sokugwaza esishiye abafundi ababili besesimeni esibucayi nothisha ekhungathekile.
Amathimba osizo lokuqala Ikznvip Emergency Response athunyelwe endaweni yesigameko kulandela imibiko. Ngesikhathi befika bafice abafundi ababili benamanxeba amabi okugwazwa.
OLUNYE UDABA: BUKA: Amaphoyisa eshaya umfundi ngesikhathi kuqhubeka umbhikisho eKZN
Abafundi balashelwe endaweni yesigameko ngabe-KZNVIP ngaphambi kokuhanjiswa ezikhungweni zezempilo eziseduze ukuze bathole okunye ukwelashwa.
Kukholakala ukuthi ukuhlasela kungenzeka kwenziwe ngomunye umfundi, okubikwa ukuthi ubaleke ngaphambi kokuba kufike abosizo lokuqala.
Imbangela yesigameko isaphenywa kanti futhi iziphathimandla zimatasa ngokuthungatha umfundi osolwa ngokugwaza abanye abafundi.
Kubikwa ukuthi uthisha ozibonele lesi sigameko uhlukumezekile futhi uthola ukwesekwa.
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
