Ithi ososeshini bafuna izinkulungwane zamarandi ukuze basebenze.
UNonhala-jikelele uSihle Magubane uthi osomatekisi baKwaDukuza baphoqa amalungu ukuba bakhokhe nakuba benezimvume ezisemthethweni.
OLUNYE UDABA: Kulimale 6 wezingane zesikole kushayisana ibhasi netekisi
“ Udaba ebesingakaluboni yilolu lwasendaweni yaKwaDukuza. Babize bonke abathutha izingane zesikole babanika izincwadi ezithi bonke abathutha izingane zesikole kufanele bafike ngomhlaka-12 kule nyanga baphathe imali engu-R3 000 wokubenzela izimvume.”
UMagubane unxusa uMnyango wezokuThutha esifundazweni ukuthi ungenelele.
“ Sidinga umthetho ukuze sikwazi ukuxazulula izinkinga zethu futhi siyakudinga nokungena kulolo hlelo. Izimoto esizisebenzisayo zindala. Ngeke siqambe amanga ngalokho.
“Ngakho-ke uma uhulumeni eza ngaphambili, asilawula, ungasethula ngohlelo lokucisha ukuze sikwazi ukuthenga izimoto ezifanele.”
Okhulumela iSANTACO, uSifiso Shangase, uthe umkhandlu wamatekisi uyaziqhelelanisa nalokhu, usamile kwelokuthi akekho umshayeli oyalelwe ukuba aqoqe imali kubashayeli abathutha izingane zezikole.
“ISANTACO ayazi lutho ngalo R3,000. Singavele silandelele ngalokhu.”
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
