Amathimba abhekelele izinhlekelele aziqaphe ngeso lokhozi izehlakalo ezihlobene nesimo sezulu, njengoba isimo esishubile silokhu siqhubekile nokuhlasela ezweni lonke.
Iqhwa seluvele lumboze izingxenye ze-Eastern Cape, Free State naKwaZulu-Natal ngenxa yokukhithika.
Izindaba ezinhle ukuthi, iSouth African Weather Service ilindele ukuthi isimo esishubile sibe ngcono ngoLwesithathu.
OLUNYE UDABA: Kubikelwe oMasipala baseKZN ukuba balungiselele isimo sezulu esingesihle
Kodwa namuhla, izakhamuzi kumele zilungiselele usuku olumakwe njengolubanda kakhulu onyakeni eGauteng.
Khonamanjalo, KwaZulu-Natal, okhulumela uMnyango wezokuBusa ngokuBambisana neziNdaba zoMdabu, uSenzo Mzila, uthe amathimba abhekelele izinhlekelele ami ngomumo njengoba iMidlands ibhekene nesithwathwa.
Ukuwa kweqhwa eKokstad kuholele ekutheni kuvalwe imigwaqo esifundazweni.
UMnyango wezokuThutha esifundazweni uthi umgwaqo u-R617 phakathi kwaseKokstad naseMgungundlovu uvaliwe kanjalo nezingxenye ezithile zikathelawayeka u-N2.
Abashayeli bezimoto baphinde banxuswa ukuthi babambezele uhambo lokuya eKokstad njengoba sekukhona amaloli abhajwe emzileni okudale isiminyaminya.
KZN – #ColdFront N2 Route: HEAVY SNOW at Kokstad
— TrafficSA (@TrafficSA) June 10, 2025
⚠️ ROAD CLOSED ⚠️ pic.twitter.com/Q1zEBGsWo7
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
