Usesimeni esibucayi owesilisa obehamba ngesithuthuthu ngemuva kokushayisa umgodi omubi emgwaqeni uR102 phakathi kwamarobhothi asePamview nomgwaqo ngenela ePhoenix, enyakatho yeTheku.
Kukholakala ukuthi isithuthuthu simphalazile wandizele emoyeni wabuya wazosacazeka phansi kabuhlungu, waquleka.
OLUNYE UDABA: Uphuthunyiswe esibhedlela umfana, 13, othanqazeke phansi esikoleni
UGareth Naidoo ovela kwa-KZN VIP Emergency Services uthi lo mgodi usendaweni ebalelwa kumamitha angu-150 ngaphambi komgwaqo wasePhoenix futhi usalokhu uyingozi enkulu kwezokuphepha.
“I-KZNVIP Medic ixilonge lo wesilisa ngaphambi kokumphuthumisa esibhedlela esiseduze ukuze eyothola okunye ukwelashwa.
“Kukholakala ukuthi lo mgodi yiwo futhi odale ukuthi kulimale izimoto eziningi emasontweni amabili edlule. Bonke abosizo lokuqala bebekhona.”
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
