Umbuso ecaleni lokubulawa kukaSenzo Meyiwa kuzomele ufake isicelo esisemthethweni sokuveza ubufakazi obusha kuleli cala.
Lowo kube ngumyalelo weJaji u-Ratha Mokgoatlheng ngemuva kokuba abashushisi befuna ukuphinde bahlole umphenyi ohola icala uBrigadier Bongani Gininda ezithombeni ezithathwe emafonini kaMmangalelwa wesibili nowesithathu.
OLUNYE UDABA: Kuyaqhubeka ukuqulwa kwecala lokubulawa kukaMeyiwa namuhla
Kulezi zithombe kubalwa nezithombe (ama-selfie) ezathathwa ngumsolwa wesithathu, uMthobisi Mncube, ngosuku okwabulawa ngalo uMeyiwa.
Kusolwa ukuthi izithombe ziveza uMncube eenemiyeko ekhanda nezinyo legolide, okuyizinto ezimesha lezo ezochazwa ngufakazi, echaza ushayasibhamu owabulala uMeyiwa endlini yakubo kaKelly Khumalo eVosloorus.
Umbuso usola ukuthi uMncube nguyena owadubula kanti futhi isigameko sasihleliwe.
Umbuso uthi lezi zithombe bezifakwe kwi-albhamu yezithombe eyethulwa ngaphambilini njengobufakazi.
Ummangalelwa uthi akubuyiswe amaphoyisa alanda izithombe ebhokisini lofakazi.
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
