Icala likaSenzo Meyiwa kulindeleke ukuthi liqhubeke namuhla ekuseni eNkantolo eNkulu yasePitoli ngemuva kokuba umbuso ucele isikhathi esengeziwe ukuze unikeze ummeli kammangalelwa imininingwane yokulandelela imoto. Lokhu kumayelana nezimoto ezasetshenziswa ngamaphoyisa ngesikhathi kuboshwa abanye abasolwa.
Amadoda amahlanu abhekene necala lokubulala ukaputeni weBafana Bafana ngo-2014.
UMeyiwa wadutshulwa wabulawa emzini wakubo kaKelly Khumalo eVosloorus e-East Rand eGauteng.
OLUNYE UDABA: Icala likaMeyiwa lihlehliswe ngenhloso yokuthola eminye imininingwane
Imininingwane yokulandelela imoto eceliwe kummeli kammangalelwa uCharles Mnisi imayelana nezimoto ezabandakanyeka ngesikhathi umsolwa ongunombolo 1, uMuzi Sibiya, eboshwa ngomhlaka-30 kuMay 2020. Le mininingwane ibalulekile ekuphenduleni kukaSibiya, osola ukuthi wathathwa eTembisa wayiswa kwenye indawo, nokuyilapho athola khona isimbambama.
Umshushisi woMbuso uGeorge Baloyi uthe ngesonto eledlule basaphezu kwezinhlelo zokuqoqa imininingwane.
Khonamanjalo, ummeli kammangalelwa uSipho Ramosepele usecele nemininingwane ngezimoto ezazithutha ummangalelwa ongunombolo 2, uBongani Ntanzi, ngemuva kokuboshwa kwakhe ngoJune 2020.
UNtanzi uphinde wasola ukuthi washaywa waphoqwa ukuthi asayine ukuzivumela ngokwakhe icala ngaphambi kwenkantolo.
– SABC
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
Slandele ku-Facebook no-X (owayekade engu-TwitterEditEditEdit
