Umsebenzi wokwakha isikhungo sabahwebi, iBlue Lagoon Traders Facility, uyaqhubeka. Inhloso yalolu hlelo wukuhlinzeka abahwebi balapha ekhaya ngendawo yokusebenzela ehlanzekile, ehlelekile, nelungele amakhasimende.
Lesi sikhungo siku-30 Road Stiebel ngaphesheya kweGreen Corridor endaweni yabantu esebhishi, iDurban Beachfront Promenade. Lesi sikhungo esibiza uR12 million kulindeleke ukuba siphothulwe ngoJuni.
Uma sesiphothuliwe, sizohlinzeka ngezindawo zokuhweba zabathengisi bendawo abawu-35 abadayisa impahla eyahlukahlukene.
OLUNYE UDABA: Ungqongqoshe: I-Africa Travel Indaba yakha inqwaba yamathuba omsebenzi
Phakathi kwezinhlobonhlobo zezinsiza ezizotholakala kulesi sikhungo saseBlue Lagoon kubalwa izindawo zokudayisela ezinosinki, izicabha zohlobo lwehedge roller door, onogada abasebenza ubusuku nemini, nabazohlanza le ndawo ukuze igcinwe ihlanzekile.
USihlalo weKomidi lezokuThuthukiswa koMnotho nokuHlela, uKhansela Thembo Ntuli, uthe: “Lena ngenye yezinhlelo eziningi uMasipala weTheku oxhasa ngazo umkhakha wabahwebi. Siyaliqonda iqhaza elibalulekile elibanjwe yilo mkhakha ekukhuleni komnotho, ekwakhiweni kwamathuba omsebenzi, nasekusizeni imiphakathi ikwazi ukusukuma izithathe.”
UKhansela Ntuli uthe uMasipala uyaqhubeka nokubambisana nezinhlaka ezahlukahlukene ukubhekana nezinkinga ezifana nokutholakala kwezimali, ubuchwepheshe, nosizo lokuthuthukiswa kwamabhizinisi.
– UMasipala weTheku(IThekutalks)
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
Slandele ku-Facebook no-X (owayekade engu-TwitterEditEditEdit
