Kulindeleke ukuthi bafake isicelo sebheyili eNkantolo yeMantshi yaseThekwini namuhla usomabhizinisi omkhulu waseThekwini kanye nosolwa naye, uRangasamy Naidoo.
Laba bobabili babhekene namacala okushushumbisa abantu.
Leli cala livela esigamekweni sango-2022 esbandakanya abantu besifazane abathathu abasebasha base-Eldorado Park, eGoli, abakhohliswa ngokunikwa umsebenzi kanti bazophoqwa ukuba badayise ngocansi endaweni yaseDurban North.
OLUNYE UDABA: Kulindeleke bafake izicelo zebheyili abasolwa ngokushushumbisa abantu
UNaidoo, oneminyaka engu-48 ubudala, ubhekene namacala okushushumbisa abantu, ukuthumba, ubugebengu be-inthanethi, ukuthuka inhlamba, kanye nokuthengisa ngocansi.
Lo somabhizinisi ubhekene namacala angu-20, okuhlanganisa nokunukubeza ngokocansi.
Le ndoda, engeke lidalulwe igama layo kuze kube wukuthi iwavume amacala, ingusomabhizinisi kanti phambilini yayiyi phoyisa.
