Kulindeleke ukuba avele eNkantolo yeMantshi yaseNtuzuma amaphoyisa amathathu mayelana nesigameko sokudutshulwa kubulawe abasolwa, KwaMashu ngonyaka odlule.
La maphoyisa, abhekene necala lokubulala kulandela isigameko esenzeka ngomhlaka-20 March 2025.
OLUNYE UDABA: Kushone 2 wabasolwa, kwalimala iphoyisa kudutshulwana KwaMashu
Amaphoyisa ophiko lwe-Independent Police Investigative Directorate (IPID), athe kusolwa ukuthi abagibeli bemoto yohlobo lwe-VW Polo ebomvu badutshulwe babulawa ngamalungu e-SAPS ngemuva kokuba imoto yabo ibanjwe ngesikhathi bebuya emhlanganweni womphakathi eDuff’s Road Hall, KwaMashu.
Amaphoyisa amathathu anikezwe amasamanisi ngomhlaka-18 June nangomhlaka-23 June ukuze avele enkantolo.
