Iqembu loMkhonto weSizwe (MK) lisuse uNhlamulo Ndhlela njengokhulumela iqembu kazwelonke.
Iqembu loMkhonto WeSizwe liqoke uSifiso Mahlangu njengomkhulumeli walo omusha kazwelonke.
Lowo owayengumhleli wezindaba uthatha indawo kaNhlamulo Ndhlela oshiya isikhundla sakhe.
Unobhala-jikelele weqembu, uSibonelo Nomvalo, wenze lesi simemezelo ngoMsombuluko ebusuku ngemuva komhlangano wezikhulu zalo zikazwelonke.
OLUNYE UDABA: Izinguquko ezenziwa njalo ngaphakathi ku-MKP ‘zimbi’ – Umhlaziyi
Iqembu alizange linikeze izizathu zoshintsho.
UNomvalo uthe uMahlangu unesizinda esikhulu sezindaba, kanti futhi iqembu liyamethemba ukuthi uzophatha izindaba zalo zokuxhumana.
“Izikhulu zikazwelonke ziphinde zisebenzise leli thuba ukumemezela ukuqokwa ngokushesha komkhulumeli omusha kazwelonke weqembu loMkhonto weSizwe, ongumhleli wezindaba, ofundile nowake waba yintatheli, uCde Sifiso Mahlangu. UCde Sifiso Mahlangu uyintatheli enolwazi olukhulu futhi uletha ulwazi olubalulekile lobuchwepheshe nobungcweti eqenjini.”
