ISouth African Weather Service isikhiphe izexwayiso ezimbili ezimayelana neziphepho KwaZulu-Natal ngoMsombuluko.
Isangoma sezulu uThandiwe Gumede sithi angu-60% amathuba emvula angase inethe ngamandle idale umonakalo endaweni kuphinde kuphazamise nohambo.
“Sinesexwayiso sika-Levele 4 esiphuzi sokuduma kwezulu okunamandla okuhambisana nezimvula ezinamandla ezingaba khona, umoya onamandla, ongadala umonakalo, umbani owedlulele nesichotho. Lesi sexwayiso se-yellow level 4 sisebenza ezindaweni ezisenyakatho yesifundazwe.”
OLUNYE UDABA: Umonakalo odalwe yisimo sezulu esibi uphazamise ukufunda ezikoleni zase-KZN
UGumede uthi izifunda ezisenyakatho-ntshonalanga kanye nasentshonalanga zingaphansi kwesexwayiso sika-level 2.
Isexwayiso ngesokuduma okukhulu kwezulu, okuhambisana neziphepho ezinkulu, isichotho, imimoya enamandla, edala omonakalo, kanye nombani omkhulu.
UMnyango wezokuBusa ngokuBambisana KwaZulu-Natal uthi amathimba abhekelele izinhlekelele asiqaphile isimo.
Phakathi komasipala abangase bathinteke, Abaqulusi, Alfred Duma, Big 5 Hlabisa, Newcastle, Ulundi, noPhongolo.
