Umbukiso wezokuvakasha omkhulu kunayo yonke e-Afrika ubuya eThekwini kuleli sonto, lapho abaholi bemboni behlose ukuvula izigidigidi zomnotho wezwekazi.
I-Africa’s Travel Indaba ihlanganisa imikhakha eyahlekune yezokuvakasha evela kulo lonke izwekazi nangale.
Umcimbi walo nyaka uzogxila ekukhuliseni umnotho wezokuvakasha wezwekazi kanye nokuheha utshalomali olusha kulo mkhakha.
OLUNYE UDABA: I-Africa Travel Indaba 2025 eyimpumelelo iqinisa umthelela wezomnotho kwezokuvakasha
Izikhulu zezokuvakasha zithi ukululama okunamandla kweNingizimu Afrika kuqhubekile nokuthola umfutho.
Ukufika kwamanye amazwe kukhuphuke ngamaphesenti angaphezu kwangu-12 ngoMarch, kanti izwe lamukela abahambi abangenayo abangaphezu kuka-2,9 million ezinyangeni ezintathu zokuqala zika-2026.
Uhulumeni uthe ezokuvakasha zihlale zingenye yezindawo ezinkulu ezidala imisebenzi ezweni, zisekela cishe imisebenzi eqondile eyisigidi.
UMengameli uCyril Ramaphosa kulindeleke ukuthi avule ngokusemthethweni lo mcimbi ngoLwesibili.
Ngosuku lokuqala lwalo mbukiso kuvulwa ngohlelo olubizwa nge-Business Opportunity Networking Day (iBONDay) okuyinkundla ehlose ukukhuthaza ubuholi ngokuhlanganisa izazi zemboni, ukwabelana ngolwazi nokuthola izitayela zomhlaba zakamuva ezisebenzayo.
Uhlelo lwe-BONDay luthuthukiswa ngokubambisana nezinhlangano zokuvakasha zomhlaba wonke, ochwepheshe bezwekazi kanye nososeshini abahlukene kule mboni.
