Ithimba lamaphoyisa ophiko lwe SAPS iPolitical Killings Task Team (PKTT) selibophe iLungu LePhalamende Le-National Coloured Congress, uFadiel Adams.
U-Adams uboshwe ngoLwesibili ePelican Park Parliamentary Village eKapa.
Ngaphambilini u-Adams ubetshele abezindaba zakwa-eNCA ukuthi uzozinikela emaphoyiseni ngoLwesithathu, amaphoyisa avele aqonda ngqo endaweni yakhe yasephalamende emini.
OLUNYE UDABA: Lihlehlile elosolwa kwelokubulala uMagaqa
Lokhu kungemuva kokuba amaphoyisa ekhiphe isitatimende ngoLwesibili ekuseni ecela iLungu LePhalamende ukuthi lizinikele esiteshini samaphoyisa esiseduze mayelana nezinsolo zokukhwabanisa nokuphambana nengalo yomthetho.
Kusolwa ukuthi u-Adams waphazamisa uphenyo ngokubulawa kowayengumholi we-ANC Youth League, uSindiso Magaqa.
#sapsHQ [SAPS CALLS ON MR FADIEL ADAMS TO HAND HIMSELF OVER TO POLICE] The #SAPS Political Killings Task Team (PKTT) is calling on Mr Fadiel Adams to present himself at his nearest police station in connection with a case of fraud and defeating and or obstructing the course of… pic.twitter.com/97RHJvJohz
— SA Police Service 🇿🇦 (@SAPoliceService) May 5, 2026
