Abagibeli baseClermont nabaKwaDabeka, ngasePinetown KwaZulu-Natal, basale dengwane osukwini lwesibili njengoba kuqhubeka isiteleka samatekisi esiqale ngoLwesibili.
Osomatekisi babeke phansi amathuluzi befuna kudedelwe izimoto zabo ebeziboshwe ngoLwesihlanu olwedlule, okuthiwa bezingenazo izimvume.
OLUNYE UDABA: Amaphoyisa acela ukufuniswa osolwa ngokuzama ukubulala usomatekisi
Lokhu kuza ngemuva kokungqubuzana okunodlame phakathi kwenhlangano yamatekisi kanye nabashayeli bama-‘uber’.
NgoLwesibili usoseshini wamatekisi aseClermont nawaKwaDabeka ukhiphe isitatimende wathi isiteleka sisazoqhubeka kuze kube izimfuno zabo ziyahlangatshezwa.
