Usobishini ummeli ogaxwe ozankosi kulandela ukushayela ngesivinini esiphezulu ku-N2 KwaZulu-Natal.
Lo chwepheshe wezomthetho ungomunye wabashayeli abaningi ababoshwe ngempelasonto ngokushayela ngesivinini esiphezulu kwaleso esivumelekile.
Izikhulu zezokuthutha zithi ummeli ubanjwe ehamba ngesivinini esingu-220km/h endaweni ka-120km ephuma eMtata kanti kuphoqeleke ukuba ahujwe ngamaphoyisa ophiko lweRoad Traffic Inspectorate.
OLUNYE UDABA: Umengameli ufisela abakuleli iphasika elihle neliphephile
Omunye uchwepheshe, ongumcwaningi mabhuku waseReservoir Hills, uboshelwe ukushayela ngesivinini sika-177km ngehora, kanti umshayeli wesithathu yena ushayele ngesika-178km ngehora, naye ogqunywe esitokisini.
Okhulumela uMnyango wezokuThutha KwaZulu-Natal, uNdabezinhle Sibiya, ushayele ihlombe ithimba le-Park Rynie Road Traffic Inspectorate ngomsebenzi walo omuhle eliwenzile.
“ Ekuxoxisaneni kwethu nemindeni eminingi okanye izisulu zezingozi zomgwaqo, sithola izindaba zokulahleka kwemisebenzi, ukukhubazeka, kanye nokuhlukana phakathi kwemindeni. Ngaphezu kwalokho, abashayeli ababudedengu yibo abayimbangela yomjikelezo omubi wezinkinga zenhlalo-mnotho kanye nokwehla kwezinga lempilo emindenini eminingi. Njengomnyango, simile ekuzibophezeleni kwethu ukuqinisekisa ezokuphepha kwabo bonke abasebenzisa imigwaqo.”
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
