Amaphoyisa ase-KZN abophe indoda edabuka eNigeria, ashaqa izidakamizwa zohlobo lwe-cocaine engabiza isamba sika-R8 million endaweni yase-Somerset Park.
Amaphoyisa ophiko lwe-MDOC kwa-SAPS esebenzisana namalungu e-SAPS MDOC (Durban), Durban North SAPS Trio Crimes, Newlands East SAPS Trio Crimes kanye ne-Durban North SAPS Crime Prevention basungule isu lokubambe le ndoda yaseNigeria namuhla ekuseni ngovivi.
Le ndoda yabonakala ihamba emagcekeni endawo ehlala kuyo iphethe isikhwama esimnyama.
OLUNYE UDABA: Kuboshwe abasolwa ngokukhiqiza izidakamizwa eKZN
Ithimba libe seliyimisa le ndoda lathola inqwaba yezidakamizwa ze-cocaine esikhwameni, esibhalwe ukuthi “iGolide.”
Kamuva kwatholakala ukuthi izidakamizwa zizonke zinesisindo esicishe sibe ngu-7kg, ngenani elilinganiselwa ku-R7.9 million.
Kuthathwe namaselula amathathu nemali njengobufakazi.
Le ndoda njengamanje isesitokisini kanti ilinde ukuvela enkantolo ngezinsolo zokuba nezidakamizwa.
eNCA
