Umndeni waseSoweto uvule icala ngemuva kokuba indodana ingeniswe esibhedlela ngenxa yokudla ukudla okulula okuthengwe espaza shop
Namuhla kuphela izinsuku ezine umfana omncane waseSoweto angeniswa egumbini labagula kakhulu i-ICU ngemuva kokudla ama-chips awathenga esitolo esisendaweni.
UTshidi Molodela waseMapetla uthi indodana yakhe yaqale yaphuthunyiswa emtholampilo iChiawelo ngoLwesihlanu ngemuva kokuba kade eqale ukubuyisa nokungakwazi ukuhamba.
Umfana kusukela ngaleso sikhathi usesimweni esibucayi esibhedlela iChris Hani Baragwanath, lapho, umama wakhe athi, inhliziyo yakhe yayeka ukushaya izikhathi ezimbalwa.
OLUNYE UDABA: “Ukuhlolelwa amacala ahlobene nawocansi kothisha kumele kube yinto eyenziwayo”
ULwesihlanu lokugcina lwamaholidi esikole emndenini wakwaMolodela lwaphenduke iphupho elibi.
Umama wengane eneminyaka eyisishiyagalombili uthe izingane zakubo zaziye esitolo sendawo ziyothenga izinto ezimbalwa njengenjwayelo.
Uthe indodana yakhe yaqala ukugula ngemuva kokuthi idle ama-chips eyayiwathenge nezingane zakubo.
“Ubebukhwebezane esiswini abuye abe luhlaza okotshani. wayengasakwazi ukukhuluma ngisho elilodwa igama. UDokotela wathi: ‘Yazini? Sisola ushevu. Sesizomthumela esibhedlela saseBara,” kusho uTshidi.
Umndeni uvulele umnikazi wespaza icala esiteshini samaphoyisa aseMoroko.
– EWN
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
