Bangaphezu kweshumi abantu abavalelwe esitokisini ngemuva kokutholokala beshayela bephuze amanzi amponjwana ogwini olusenyakatho yeKwaZulu-Natal ngoLwesihlanu.
Lokhu kuboshwa kwala bantu kuza njengoba iziphathimandla ziqinisa imizamo yezokuphepha emgwaqeni ngempelasonto ende.
OLUNYE UDABA: Kushone oyedwa kwalimala abantu abathathu engozini eReservoir Hills
Okhulumela uMnyango wezokuThutha KwaZulu-Natal, uNdabezinhle Sibiya, uthe basenza imizamo yokuphusha isigwebo seminyaka eyisithupha ejele ukuze kunqandwe labo abaphula umthetho.
“Zingaphezu kuka-180 izimoto ezimiswe ngesikhathi kunezivimbamgwaqo ezixube izinhlaka ezahlukene eQalakabusha Correctional Service Centre eduze no-R34 eMpangeni.
“Kuboshwe izimoto eziyisithupha emuva kokuthi uMmemezi Wezimoto ethole ukuthi azinazo izimvume, kwabhaliswa amacala angu-33 okuphulwa kwemithetho yomgwaqo.
“Kuboshwe umshayeli wetekisi oyedwa ngokushayela engekho esimeni esikahle ebeka nezimpilo zabagibeli engcupheni.”
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
