I-National Prosecuting Authority yemukela udilikajele okhishwe yiNkantolo eNkulu KwaZulu-Natal, ebigobe amadlangala eMtunzini, igweba uSiphamandla John Mzileni ((36) ngecala lokubulala, ukuzama ukubulala nokugqekeza ngenhloso yokweba. NgoJanuary 2026. uMzileni wangena ngendloviyangena ekhaya likamufi owayeneminyaka ewu-61 oyisihlobo, wamdubula wadubula nomunye owayekhona endlini. Izigameko zenzeka eBhuchanana, Empangeni.
Ubufakazi benkantolo bukhomba ukuthi ngo-02 January 2026.uMzileni waqoqa umndeni kwaxoxwa ngodaba lwamafa elungu lomndeni elashona. Kwasuka umsindo kuphikiswana, uMzileni wasabisa umufi ngokumdubula. Umufi wabikela induna yesigodi namaphoyisa kwaqalwa uhlelo lokuthola incadi yesivimbelo.
Ntambama ngalolo suku, umufi wayelele nesihlobo ngesikhathi uMzileni efika nesibhamu sakhe esisemthethweni, wangena ngendloviyangena wadubula umufi wamgwaza,wadubula nesihlobo esasikhona endlini salimala. Kwabikwa udaba emaphoyiseni kwaboshwa uMzileni.
Ngesikhathi sekuqulwa icala, uMshushisi u-Advocate Pretty-Girl Ntsele ubize ufakazi owazibonela. UMbuso wethule ubufakazi besibhamu, nombiko wokuhlolwa kwesidumbu. UNtsele wethule nesitatimende selungu somdnei osibhale eluswe wuMandisa Paulette Sikakane. Esitatimendeni, amalungu omndeni achaze ngobuhlungu abhekane nabo ngenxa yesigameko.
Inkantolo igwebe uMzileni iminyaka emihlanu ngokugqekeza ngenhloso yokubulala, udilikajele ngecala lokubulala neminyaka ewu-12 ngokuzama ukubulala. Inkantolo ithe izigwebo uzozidonsa kanyekanye nokusho ukuthi kuzoba wudilikajele. Inkantolo ithe akafanelwe yimvume yesibhamu.
I-NPA igcizelela ukuthi ukulwa nesihlava sodlame lobululi kuseqhulwini,ngokubambisana nezinye izinhlaka, sizoqqhubeka nokushushisa okuncike ebufakazini siqiniseksia ukujezisa abagila imikhuba.
