Ithimba lamaphoyisa ophiko lwe-SAPS lwePolitical Killings Task Team, seliphinde lathatha elinye igxathu ecaleni lokubulawa kukaSindiso Magaqa, njengoba kuboshwe owayeyimenenja kamasipala kuMasipala waseMzimkhulu.
Umsolwa oneminyaka engu-55 ubudala uphinde waboshwa namuhla eMalvern, eThekwini.
OLUNYE UDABA: Owabulala uSindiso Magaqa ugwetshwe odilikajele ababili
Lo msolwa phambilini waboshwa ngo-2018 kanye neMeya kaMasipala waseMzimkhulu engasekho emhlabeni, usomabhizinisi, ababili ababengamaphoyisa kanye nenkabi.
Umsolwa, uSbusiso Ncengwa ugwetshwe iminyaka engu-25 ebhadla ejele ngomhlaka-7 July 2025.
Lowo owayengu-MM kulindeleke ukuba avele eNkantolo yeMantshi yaseMzimkhulu ngecala lokubulala ngoLwesibili, lwangomhlaka-29 kuJuly 2025, kusho isitatimende samaphoyisa.
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
