Iqembu lezepolitiki iDemocratic Alliance (DA) KwaZulu-Natal ithe ikhathazekile ngezokuphepha nezobunhloli esifundazweni kulandela ukubulawa kosopolitiki nabaholi bomdabu.
Abasolwa ababili ababandakanyeka ecaleni lokubulawa kwekhansela lenhlangano kuMasipala waseMngeni, uNhlalayenza Ndlovu, bavele eNkantolo yeMantshi yaseHowick izolo.
UNdlovu wadutshulwa wabulawa esemzini wakhe eMpophomeni ngoDecember 2023.
OLUNYE UDABA: I-DA eKZN izimisele ngokuqinisa ubudlelwano bayo ne-IFP
Umholi weqembu uFrancois Rodgers ubehambele leli cala.
“Abasolwa ababili, oyedwa oyinkosi enkulu esifundeni, uZuma, obandakanyeka ecaleni lesibili lokubulala, bavele phambi kwemantshi.”
URodgers uveze okumkhathazayo: “Sasijube ithimba labaphenyi elizimele elathola ukuthi ubani ungqondongqondo wesigameko nembangela yaso, sizame kaningi ukuqhubeka nokuxoxisana namaphoyisa ophiko lwe-SAPS sabe sesiba engathi kunokuthile okungekuhle neze uma kukhulunywa ngezokuphepha nezobunhloli esifundazweni saKwaZulu-Natal, ikakhulukazi phakathi kwabaholi bendabuko nosopolitiki.”
Icala lizobuyela enkantolo ngomhlaka-8 August ukuze kuzolalelwa isicelo sebheyili.
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
