Iqembu lodokotela abangasebenzi lithe liyojabula mhla uMnyango wezeMpilo KwaZulu-Natal ufeza ieithembiso zawo zokudala izikhala ezintsha zomsebenzi ezingu-100.
NgoLwesithathu odokotela bamashele ehhovisi likaNdunankulu wesifundazwe eMgungundlovu befuna ukuthi izikhulu zifeze izithembiso zazo zangaphambilini.
NgoJune, uNgqongqoshe Wezempilo uNomagugu Simelane wamemezela izikhundla ezintsha ezingu-20.
OLUNYE UDABA: Odokotela base-KZN bathi azanele izikhala ezingu-20 ezizokhangiswa
Okhulumela leli qembu, uDkt Nobuhle Makhanya, uthe yize sezigcwele lezi basabaningi abasafuna umsebenzi.
Uthe izikhala ezintsha ezingu-100 kulindeleke ukuthi zikhangiswe ngesonto elizayo.
“Bazibophezele ekukhipheni ezinye izikhala, njengoba nazi ukuthi le mashi yethu ngeyesithathu futhi ayikazukuphela kuze kube kukhishwe izikhala zemisebenzi kuqashwe nodokotela bethu,” kusho uMakhanya.
“Kodwa ukunqoba lokhu esikwamukelayo, futhi siyethemba ukuthi bazosigcina isithembiso sabo, njengoba benzile ezikhaleni ezingu-20 abathi bazozikhipha futhi zakhishwa.”
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
