Amaphoyisa ophiko lwe-South African Service (SAPS) axwayisa amalungu omphakathi ngomkhonyovu osusabalele ezifundazweni ezahlukene omayelana nezincwadi zomgunyathi ezibonakala sengathi ziphuma kwa-SAPS.
Lezi zincwadi zomgunyathi, ngokuvamile zisatshalaliswa enkundleni yezokuxhumana i-WhatsApp kanti zinayo yonke imininingwane yamaphoyisa okubalwa, i-logo yakwa-SAPS, amagama nemininingwane yokuxhumana yamaphoyisa aphezulu kwa-SAPS.
Lezi zigilamkhuba zisebenzisa le mininingwane ukukhohlisa abantu ukuthola imininingwane yabo zizenza amaphoyisa.
OLUNYE UDABA:Kuxwayiswa abantu baKwaMashu ngezigebengu ezizenza amaphoyisa
Okuqukethwe yile ncwadi kuvame ukuhlelwa ngokwendawo isisulu esihlala kuyo kushintshe amagama, ikheli nemininingwano yabantu okuxhunyanwa nabo ukuze abakwenzayo kukholakale. Kwezinye izimo le miqhafazo yaku-WhatsApp ilandelwa yizingcingo ezivela kubantu abazenza amaphoyisa beqamba amanga ngokuthi kunamacala obugebengu abavulelwe wona.
I-SAPS inxusa umphakathi ukuthi ungayiphenduli le miqhafazo noma udalule ngemininingwano yabo yamazisi, ikheli nemininingwane yasebhange.
Okumele ukwazi ukuthi abakwa-SAPS abaxhumani nomphakathi ngo-WhatsApp noma ngezingcingo zama-video.
Ngokwesitatimende samaphoyisa kunxuswa noma ngubani othole noma ophendule le miqhafazo yomgunyathi ukuthi abikele amaphoyisa aphinde avule icala esiteshini samaphoyisa esiseduze.
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
