Owesifazane nendodana yakhe abayizakhamuzi zaseThekwini bamangalela i-HOMii Lifestyle ngemali engaphezu kwengu-R4 million.
Lokhu kuza ngemuva kokushona kuka-Andiswa Mantshongo oneminyaka engu-22 ubudala, owawawa wakhalakathela emgodini welift kuleli fulethi ngonyaka ka-2023.
Leli fulethi kuseyibhilidi elifanayo nalelo okuwele khona amawele akwaDlamini esuka esitezi sesine emgodini we-lift.
OLUNYE UDABA: Zilelwa ubulungiswa izinkulungwane zabantu ezibuthene ngaphandle kwebhilidi lakwaHomii eThekwini
Ummeli womndeni, uMhleli Mhlaba, uthi icala ligxile ezinsolweni ezimbili, okuwukulahlekelwa nokwesekwa ngokwezimali kwendodakazi ka-Andiswa eneminyaka emithathu ubudala, kanye nokulimala emoyeni komndeni wakhe oye wabhekana nakho selokhu ashona.
UMhlaba uphikisana nokuthi i-HOMii kanye nabaphathi bebhilidi behlulekile emsebenzini wabo wokunakekela ukuqinisekisa ukuphepha kwezakhamuzi.
