Izikhulu zehhovisi lamanxusa aseZimbabwe naseMalawi kanye nohulumeni wesifundazwe saseLimpopo kulindeleke ukuthi namuhla bahambele imindeni yabangu-43 abashone engozini yebhasi eyenzeka ngaphandle kwaseLouis Trichardt eLimpopo ngeSonto eledlule.
Ibhasi ebeligcwele ngokweqile belithwele abantu abangaphezu kwabangu-90.
OLUNYE UDABA: URamaphosa udlulise amazwi enduduzo emindenini ethintekile engozini yebhasi eLimpopo
Ibhasi liphahlazeke ku-N1 lisuka eQheberha lilibangise eZimbabwe naseMalawi.
Okhulumela uNdunankulu waseLimpopo, uThilivhali Muavha, uthe inhloso wukweseka imindeni njengoba ihlonza amathambo ezisulu.
